Electoral Roll a inthun thar dilte tan Birth Certificate Digitized chauh hmang dawn

by Editor

Tualchhung News

ZORAM TODAY| 19th August, 2024 (Mon): Vawiin khan Inter Departmental Coordination Committee (IDCC) on Civil Registration System chu Committee Room, Planning & Programme Implementation-ah an thukhawm a, tun ṭum hi IDCC Meeting vawi 23-na a ni. IDCC hi Registration of Births & Deaths chungchanga State Level Committee sang ber a ni a, Line Department hrang hranga Head of Department-te leh District tin Deputy Commissioner (DC) te member an ni.

Meeting hi Chief Registrar of Births & Deaths leh Planning Secretary ni bawk Lalmalsawma Pachuau chuan a kaihruai a, Joint Chief Registrar leh Joint Director of Economics & Statistics Mary Lalrinchhungi chuan Meeting hmasa lama IDCC thurelte bawhzui a nih dan report a pe.

Meeting-ah hian Civil Registration System kaihhnawih, DC leh Head of Department hrang hrangte leh an aiawhte an tel a. Registration of Births & Deaths chungchanga thil pawimawh chi hrang hrang rel zingah Electoral Roll a inthun thar dilte tan Birth Certificate Digitized chauh hman chungchang te, Birth Certificate-a Non Tribal hming, Zohnahthlak Tribal hminga thlak phal loh chungchang te leh Delayed Registration of Births & Deaths dilna form man siamṭhat chungchang te a tel a ni.

Tun ṭum IDCC Meeting-ah hian a vawi khatna atan Aizawl khaw pawn lama member-te, District tina DC Office te leh DRO theuh te chu Video Conferencing kaltlanga meeting-ah tel phalsak an nih angin an attend ṭha hle niin, vawiina Sorkar thuchhuah chuan a tarlang.